98 جار خوێندراوەتەوە 18/02/2020

بۆ ئەو کەسانەی کە کارەبان هەیە و تائێستا پێوەری کارەبایان نییە


د.هەڤاڵ ئەبوبەکر پارێزگاری سلێمانی، لە کۆنگرەیەکی رۆژنامەگەرییدا بە ئامادەبوونی بەڕێزان سالار حسام الدین بەڕێوەبەری گشتی کارەبای سلێمانی و لیژنە هاوبەشەکانی قائیمقامیەتی مەڵبەندی سلێمانی و بەڕێوەبەرایەتی ئاسایشی ئابووری سلێمانی، لە دۆخی کارەبای پارێزگای سلێمانی دوا.
لە کۆنگرە ڕۆژنامەوانیەکەدا داوای لە هەموو ئەو هاوڵاتیانە کرد کە کارەبایان هەیە و پێوەری کارەبایان نییەو بە هەر هۆیەک کارەبایان ڕاکێشاوە پێویستە تا ١/١/٢٠٢٠ بەپێی فەرمانی ئەنجومەنی وەزیران و وەزارەتی کارەبا، پێوەری کارەبا ببەستن بەپێچەوانەوە ڕێکاری یاسایی توندیان بەرامبەر دەگیرێتەبەر.
هەروەها پارێزگاری سلێمانی ئەو شوێنانەی ئاشکرا کروو کە بەپێی فەرمانی وەزارەتی کارەبا بۆیان هەیە کارەبای بەردەوامیان هەبێت لەبەر بەرژەوەندیی گشتی.
ئەوەش ڕوونکرایەوە لە موەلیدە ئەهلییەکان بە سوپاسەوە پشتیوانیەکی گەورەی کەرتی گشتی بوون و ماوەی سێ ساڵ زیاترە لەسەر داوای پارێزگاو قائیمقامیەتی سلێمانی موەلیدەکان بۆ موەلیدەی بێدەنگ و دۆستی ژینگە گۆڕیوەو لە ئەمساڵیشدا لە دەستپێشخەرییەکدا (١٠٠٠٠) دە هەزار نەمامیان لە سنوری شارەوانی سلێمانیدا بەچاودێری لایەنە پەیوەندیدارەکان چاندووە.


Copyright © 2012 www.krgelectric.org Developed by Avesta Group and powered by Microsoft Azure