77 جار خوێندراوەتەوە 4/23/2019

چۆن سود لە خولەکان وەربگرین

بەروارى ١٠و١١ى مانگى نیسانى ٢٠١٩ تیمى وەزارەتى کارەبا بەشدارى خولێکى کرد ناونیشانى ( پرۆژەى حکومرانى بۆ کارامەیی وبەرپرسیاریەتى لە عێراق ) کە ئاژانسی ئەمریکی بۆ پەرپێدانی نێودەوڵەتی پاڵپشتی دارایی دەکات.

لەم خولەدا باس لە ڕۆلى حکومەت و دام و دەزگاکان بۆ باشتر خزمەتکردنى هاوڵاتیان کراو وە بەشێکى خولەکە تایبەت بوو بە وەزارەتى کارەباى حکومەتى هەرێمى کوردستان , کە باسی شێوازو میکانیزمەکانى هۆشیار کردنەوەى هاوڵاتیان کرا لە بە کارهێنانى کارەباى نیشتیمانى بە هەردوو لایەنى پراکتیکى و تیۆرى بۆ ئەوەى بتوانرێت بەرهەمێنانى کارەبا لەهەرێمى کوردستان کاتژمێرەکانى و جۆریەتى کارەبا بە باشترین شێوە بەسەر هاوڵاتیان دابەش بکرێت

یەکێک لە گرفتەکانى کارەبا نەبونى هەماهەنگیە لە نێوان دام و دەزگاکان و هاوڵاتیان،هەربۆیە تیشک خرایە سەر چارەسەر کردنى بە شێوەیەکى ناوخۆ (لۆکالى) ئەمەش لە رێگاى پەیوەندیەکى باش و تەندروست لە نێوان وەزارەت و ئەنجومەنى پارێزگا و رێکخراوەکانى کۆمەڵگاى مەدەنى و دەزگاکانى ڕاگەیاندن دەبێت بۆ ئەوەى بتوانریت رەفتارى بەکاربەرانى کارەبا بگۆردرێت و لەگەل پۆلین کردنى چین وتوێژەکان بۆ نمونە( مندال , ژنى مالەوە , سەرۆک خێزان, کارگە وشوێنە بازرگانییەکان , بەرپرسەکان ), کاتێک ئەمانەت دیارى کرد ئەو کات باشترو ئاسانتر دەتوانیت رەفتاریان بگۆرێت و گۆرینى رەفتار ئاسانترە لە گۆرینى عەقڵیەت بەگشتى وبەتایبەتى کاتێک سیستەمێکى نو ێ دەکەوێتە کار وەک سیستەمى پێوەرى زیرەک .

دیارى کردنى جەماوەرى جیاواز لە پەیوەندى کردن و هۆشیارکردنەوەى پرۆژەکان دەبێت ئەم پرسیارانە بکەى _ تۆ چیت لەجەماوەر دەوێت ئەنجامى بدات ؟ _ چۆن لەگەلیان قسە دەکەیت ؟ _ کێ سوودمەند دەبێت ؟
بۆ هۆشیار کردنەوەى هەر چینێک یان تویژێکى کۆمەڵگا دەبێت (رەفتارى خوازراو , پەیام , دروشم , ئامرازى پەیوەندى ) دیارى بکرێت بۆ ئەوەى بتوانیت ئامانجەکەت جێبەجێ بکەین بە پلانێکى سەرکەوتوو,

لە کۆتایی خولەکەدا تیمى بەشدار بوو چەند پرۆژەیەکى کردارى و نوسراویان ئەنجامدا و پێشکەشى سەرپەرشتیارانى خولەکەیان کرد کە باسکردن بوو لەسەر هۆشیار کردنەوەى هاولاتیان لە بەکارهێنانى کارەبا لە رێگاى چەند میکانیزمێکى جیاواز کە دەبێتە هۆى ئەوەى کارەباى نیشتیمانى لە داهاتوودا باشتر بێت و گرفتەکانى بەردەم ووزەى کارەبا بەرەو چارەسەرکردنێکى تەواو بروات .

پێویستە هەر تیمێک کە بەشدار دەبیت لە خول و سیمینار و ۆرک شۆپ جا ناوخۆ بێ یاخود دەرەوى وولات دواتر بە راپۆرتێک پوختەى زانیارییەکان بۆ سەروى خۆى بەرز بکاتەوە بۆ ئەوەى وەزارەت و لایەنى پەیوەندی دار سودمەند بێت .

ئاسۆ سیان رۆژنامەنوس لە ڕاگەیاندنى وەزارەت و بەشدار بوو لە خولەکەدا

3633192342019_viber image 2019-04-23 , 12.13.15.jpg

337192342019_viber image 2019-04-23 , 12.13.15.jpg


Copyright © 2012 www.krgelectric.org Developed by Avesta Group and powered by Microsoft Azure