671 جار خوێندراوەتەوە 4/3/2019

بۆ یەكەمینجار كارەبای نیشتمانی گەیشتە 3600 مێگاوات

لەئەنجامی رێژەی بارانبارینی ئەمساڵ و بەرزی ئاستی ئاوی هەردوو بەنداوی دوكان و دەربەندیخان؛ رێژەی بەردانەوەی ئاو لەهەردوو بەنداوەكە زیادیكردووەو بەم هۆیەشەوە توانراوە سەرجەم یەكەكانی كارۆئاوی بەرهەمهێنانی كارەبا لەو دوو وێستگەیە ئیشپێبكرێت، لەبەنداوی دوكان رێژەی بەرهەمهێنانی كارەبا گەیشتۆتە 280 مێگاوات و لە دەربەندیخانیش 240 مێگاوات كارەبا، بەمەش بەرهەمهێنانی كارەبا لە هەرێمی كوردستان بۆ یەكەمینجار دەگاتە 3600 مێگاوات كارەبا بە پشتبەستن بەسەرجەم وێستگەكانی بەرهەمهێنانی كارەبا و لەم مانگەشدا ماوەكانی پێدانی كارەبا بۆ 16 كاتژمێر بەرزبووەتەوە.
وەزارەتی كارەبا بۆ سەلامەتی وێستگەی بەرهەمهێنانی كارەبا لە هەردوو بەنداوی دوكان و دەربەندیخان بەووردی رەچاوی سەلامەی وێستگەكەو كاری چاكسازیی تێیدا دەكات و هەر بەم هۆیەشەوە لە ئێستادا توانراوە هەموو یەكەكان ئیشیپێبكرێت.

41388342019_FB_IMG_1554275170761.jpg


Copyright © 2012 www.krgelectric.org Developed by Avesta Group and powered by Microsoft Azure