3402 جار خوێندراوەتەوە 8/20/2013

وەزارەتی کارەبا پرۆژە پێشنیارکراو و بەردەوامەکانی لەسەر بودجەى وەبەرهێنانبۆ ساڵی 2014 تاوتوێکرد

بەمەبەستی ئامادەکردنی لیستی پڕۆژە پێشنیارکراو و بەردەوامەکانی وەزارەتی کارەبا لەسەر بودجەی وەبەرهێنان بۆ ساڵی 2014، ئەمڕۆ ڕێکەوتی 20/8/2013 لە دیوانی وەزارەتی کارەبا بە ئامادەبونی هۆگر شاڵی بریکاری وەزیری کارەبا کۆبونەوەیەکی فراوان بەرێوەچوو.
لەم کۆبوونەوەیەدا کە هەریەک لە بەڕێوەبەرانی گشتی دیوان و پلاندانان و گواستنەوە و کۆنترۆڵ و بەڕێوەبەرانی گشتی کارەبای هەرسێ پارێزگاکەی هەولێر و سلێمانی و دهۆک و ئیدارەی گەرمیان ئامادەیبوون، بەتێروتەسەلی باس لەو پرۆژانە کرا کە وەزارەتی کارەبا لە ڕێگای لیژنەیەکی پسپۆرەوە بۆ پڕۆژە پێشنیارکراو و بەردەوامەکانی وەزارەت لەسەر بودجەی وەبەرهێنان بۆ ساڵی 2014 ئەنجامی دەدات.
لەتەوەرێکی کۆبونەوەکەدا بەرێز هۆگر شاڵی بریکاری وەزیری کارەبا جەختی لەسەر پابەندبونی وەزارەتی کارەبا بە رێنمایی و راسپاردەکانی وەزارەتی دارایی کردەوە و داواى لە ئامادەبووان کرد بەشێوەیەکی زانستی و هونەری کار بۆ ئامادەکردنی پرۆژەکان بکرێت و ببێتە نەخشە رێگایەک بۆ ئەنجامدانی زۆرترین پرۆژەی وەبەرهێنان، هاوکاتیش چەند ڕاسپاردە و ڕێنماییەکی سەبارەت بەو کۆمپانیانە دەرکرد کە کەموکورتیان لە جێبەجێکردنی پڕۆژەکان هەیە.
پرۆژە پێشنیار و بەردەوامەکانی وەزارەتی کارەبا لە سەر بودجەی وەبەرهێنانی 2014 چەندین بواری بەرهەمهێنان و گواستنەوە و دابەشکردن و کۆنترۆڵ لەسەرجەم هەرێمی کوردستان و ناوچە کوردستانیەکانی دەرەوەی هەرێم لەخۆدەگرێت.

sawen

1924132082013_photo.1.jpg

4924132082013_photo.2.jpg


Copyright © 2012 www.krgelectric.org Developed by Avesta Group and powered by Microsoft Azure